අභය දානමය පිංකම – 2018

වාර්ශිකව සිදු කරණු ලබන අභය දානමය පිංකම මේ වර්ශයේදීත් 2018-01-01 දුරැතු පුර පසළොස්වක පොහෝ දින සවස සිදු කරණ ලදී.

මරණයට නියම වු ගවයන් බොහෝ ප්‍රමාණයක්, මෙවරත් නුගේගොඩ සිරි ධම්මාරාම විහාරස්ථ දායක දායිකාවන්ගේ ධන පරිත්‍යාගයෙන් ජිවිත දානය ලබා දීමට හැකියාව ලැබුණි.

මෙම මහඟු පිංකම, නුගේගොඩ සිරි ධම්මාරාමාධිපති බෝගම්බර රතනජෝති නායක හිමියන්ගේ අනුශාසනා පරිදි සෑම වසරකම සිදු කරණු ලබයි.

මෙම අභය දානමය පිංකම සඳහා ධන පරිත්‍යාග කළ සියලු දෙනාටත් නොයෙක් අයුරින් උදවු උපකාර කළ සියලු දෙනාටත් දිගාසිරි ලැබේවා..! නිදුකි නිරෝගී සුව ලැබේවා..! මොක්ෂ සම්පත්තිය පිණිස මෙම කුසල කර්මය සියලු දෙනාම අනුමෝදන් වේවා…!

වාර්ෂික ගුණ සමරු පිංකම – 2017

වාර්ෂික ගුණ සමරු පිංකම – 2017
සිරි ධම්මාරාමය – නුගේගොඩ අප විහාරස්ථානයෙහි වැඩ සිට අපවත් වී වදාළ ආභිධම්මිකාචාර්ය ආදී කතෘ ගරු බෝවල සිරි පවර මහ නාහිමිපාණන් වහන්සේ ඇතුලු විහාර ගණයේ අපවත් වී වදාළ ගරු ස්වාමීන් වහන්සේලා හා විහාර භූමිය පූජාකළ මල්වත්තගේ ජොහානා පීරිස් සෙනෙවිරත්න මැතිනිය ඇතුලු සතර පේරරුවේ මියගිය සියලු දායක දායිකාවන් සිහිපත් කර මහා සංඝ ගත දක්ෂිණාව 50 නමක් උදෙසා දානමය පිංකම අද දින (2017-07-29) බෝගම්බර රතනජෝති නායක මාහිමිපාණන්ගේ අනුසාසනා පරිදි පැවැත්වුනි.
මෙම පිංකම සඳහා පිරිකර හා දානෝපකරණ භාරගෙන නන් අයුරින් දායක වු විහාරස්ථ දායක සභාව, කාන්තා සමිතිය, දහම් පාසල සහ ඔබ සියලූම දෙනාට හෘදයාංගම ස්තූතිය පුද කරන්නෙමු.
ඔබ සියලු දෙනාටම ධර්මාවබෝධය පිණිස මෙම මහඟු පිංකම හේතු වාසනා වේවා…!